Idag hadde me om animasjon og biletbehandling. Me hadde ein mannleg gjesteforelesar inne og sat på datalaben. Me fekk prøvd å klippe og lime inn bilete på Photoshop, som skulle resultere i ein plakat. Det gjekk til tider veldig kjapt for seg i svingene, men ved hjelp av sidemenn kom me oss gjennom det. Etterpå gjekk me gjennom animasjon. Me teikna inn strekfigurar i fleire bilete og deretter satt me dei saman, slik at det såg ut som figuren rørte på seg.
Me fekk prøvd oss fram eit par gongar, men timane gjekk veldig fort. Følte det burde kanskje vore sett av litt meir tid til dette. Det tenkjer eg i allfall i høve til den samensatte teksten me skal lage seinare i år.
Desse tinga er og kjekke å kunne når ein skal ut i skulen. Unge i dag kan mykje og interesserer seg for slike aktivitetar. Dessutan kan det med alle nye metodar blir svært aktuelt og sentral til bruk i skulen seinare. Sjølv om me kanskje ikkje ser så mykje bruk av det på bornetrinnet no, trur eg det med tida vil bli stadig meir av. Og då er det kjekt å ha vore innom det på førehand, slik at ein faktisk kan lære elevane noko, og ikkje berre dei lærer deg om desse nye tinga. Eg har ofte sett at elevar kan meir om data enn lærarane sine, mykje fordi mange lærarar ikkje er av datagenerasjonen og difor har lite kunnskap om det. Med desse ny reformane og krava, er det ikkje lett for dei av den generasjonen å oppfylle krava. Heldigvis kjem me midt inni det og kan difor ta opp tråden og legge dette nye til det me allereie kan.
ps. dersom du vil sjå min fantastiske animasjon er det berre å klikke på biletet =)
(revidert: 27.04.08)
2 kommentarer:
Hei, fint om du legg til i bloggen din at ein kan klikka på strek-mannen, då vert han levande!
Mvh
Geir M
Hei, Ida...
Akkja, den tida den tida. Du skjønar det at vi har berre ein pikyrande ørliten "pott" med tid avsett til å gi dykk den digitale kompetansen som de må ha som framtidige lærarar, for å kunna oppfylla krava i LK06. Denne dagen var Jostein Tvedte frå IKT-seksjonen med oss på "dugnad", og det var eg glad for at vi fekk til. Elles så baserer det seg mykje på at eg (eller ein gjesteførelesar) viser dykk nokre verktøy eller bruksområder, og så er det opp til dykk sjølve å putla på med det vidare.... sånn er ståa for å ha sagt det, MEN vi skal endeleg få tid til å putla litt meir på i Adobe Photoshop. Eg tenkte nett på det å laga ein cd, med sjølvlaga cover og logo for den samansette teksten t.d.?
Birgit :-)
Legg inn en kommentar